תפלת הדרך

יְהִי רָצוֹן מִלְּפָנֶיךָ יְהֹוָה אֱלֹהַי שֵׁתּוֹלִיכֵנִי לְשָׁלוֹם וְתִסְמְכֵנִי לְשָׁלוֹם וְתַצִּילֵנִי מִכַּף כָּל אוֹיֵב וְאוֹרֵב בַּדֶּרֶךְ וּתְנֵנִי לְחֵן לְחֶסֶד וּלְרַחֲמִים בְּעֵינֶיךָ וּבְעֵינֵי כָל רֹאַי כִּי אַתָּה שׁוֹמֵעַ תְּפִלַּת כָּל פֶּה: בָּרוּךְ אַתָּה יְהֹוָה שׁוֹמֵעַ תְּפִלָּה:

תפלת הדרך בצאתו מן העיר יאמר:

וַיִּסַּע מַלְאַךְ הָאֱלֹהִים הַהוֹלֵךְ לִפְנֵי מַחֲנֵה יִשְׂרָאֵל וַיֵּלֶךְ מֵאַחֲרֵיהֶם וַיִּסַּע עַמּוּד הֶעָנָן מִפְּנֵיהֶם וַיַּעֲמוֹד מֵאַחֲרֵיהֶם . וַיָּבוֹא בֵּין מַחֲנֵה מִצְרַיִם וּבֵין מַחֲנֵה יִשְׂרָאֵל וַיְהִי הֶעָנָן וְהַחֹשֶׁךְ וַיָּאֶר אֶת הַלָּיְלָה וְלֹא קָרַב זֶה אֶל זֶה כָּל הַלָּיְלָה: וַיֵּט מֹשֶׁה אֶת יָדוֹ עַל הַיָּם וַיּוֹלֶךְ יְהֹוָה אֶת הַיָּם בְּרוּחַ קָדִים עַזָּה כָּל הַלַּיְלָה וַיָּשֶׂם אֶת הַיָּם לֶחָרָבָה וַיִּבָּקְעוּ הַמָּיִם . תִּפֹּל עֲלֵיהֶם אֵימָתָה וָפַחַד בִּגְדֹל זְרוֹעֲךָ יִדְּמוּ כָּאָבֶן עַד יַעֲבֹר עַמְּךָ יְהֹוָה עַד יַעֲבֹר עַם זוּ קָנִיתָ (שלש פעמים): 

ויאמר:

וִיהִי נֹעַם שַׁדַּי יְהֹוָה אֱלֹהֵינוּ עָלֵינוּ וּמַעֲשֵׂה יָדֵינוּ כּוֹנְנָה עָלֵינוּ וּמַעֲשֵׂה יָדֵינוּ כּוֹנְנֵהוּ . יֹשֵׁב בְּסֵתֶר עֶלְיוֹן בְּצֵל שַׁדַּי יִתְלוֹנָן . אֹמַר לַיהֹוָה מַחְסִי וּמְצוּדָתִי . אֱלֹהַי אֶבְטַח בּוֹ . כִּי הוּא יַצִּילְךָ מִפַּח יָקוּשׁ מִדֶּבֶר הַוּות . בְּאֶבְרָתוֹ יָסֶךְ לָךְ וְתַחַת כְּנָפָיו תֶּחְסֶה . צִנָּה וְסֹחֵרָה אֲמִתּוֹ . לֹא תִירָא מִפַּחַד לָיְלָה . מֵחֵץ יָעוּף יוֹמָם . מִדֶּבֶר בָּאֹפֶל יַהֲלֹךְ . מִקֶּטֶב יָשׁוּד צָהֳרָיִם . יִפֹּל מִצִּדְּךָ אֶלֶף וּרְבָבָה מִימִינֶךָ . אֵלֶיךָ לֹא יִגָּשׁ . רַק בְּעֵינֶיךָ תַבִּיט . וְשִׁלֻּמַת רְשָׁעִים תִּרְאֶה . כִּי אַתָּה יְהֹוָה מַחְסִי . עֶלְיוֹן שַׂמְתָּ מְעוֹנֶךָ . לֹא תְאֻנֶּה אֵלֶיךָ רָעָה . וְנֶגַע לֹא יִקְרַב בְּאָהֳלֶךָ . כִּי מַלְאָכָיו יְצַוֶּה לָּךְ . לִשְׁמָרְךָ בְּכָל דְּרָכֶיךָ:

ויאמר:

מִן הַמֵּצַר קָרָאתִי יָּהּ עָנָנִי בַמֶּרְחָב יָהּ . יְהֹוָה שַׁדַּי לִי לֹא אִירָא מַה יַּעֲשֶׂה לִי אָדָם . יְהֹוָה לִי לֹא אִירָא מַה יַּעֲשֶׂה לִי אָדָם . יְהֹוָה לִי בְּעֹזְרָי וַאֲנִי אֶרְאֶה בְשֹׂנְאָי . טוֹב לַחֲסוֹת בַּיהֹוָה מִבְּטֹחַ בָּאָדָם . טוֹב לַחֲסוֹת בַּיהֹוָה מִבְּטֹחַ בִּנְדִיבִים . כָּל גּוֹיִם סְבָבוּנִי בְּשֵׁם יְהֹוָה כִּי אֲמִילַם . סַבּוּנִי גַם סְבָבוּנִי בְּשֵׁם יְהֹוָה כִּי אֲמִילַם . סַבּוּנִי כִדְבוֹרִים דֹּעֲכוּ כְּאֵשׁ קוֹצִים בְּשֵׁם יְהֹוָה כִּי אֲמִילַם . דַּחֹה דְחִיתַנִי לִנְפֹּל וַיהֹוָה עֲזָרָנִי . עָזִּי וְזִמְרָת יָהּ וַיְהִי לִי לִישׁוּעָה . קוֹל רִנָּה וִישׁוּעָה בְּאָהֳלֵי צַדִּיקִים יְמִין יְהֹוָה עֹשָׂה חָיִל . יְמִין יְהֹוָה רוֹמֵמָה יְמִין יְהֹוָה עֹשָׂה חָיִל: ע”כ:

ויאמר:

נֶגַע צָרַעַת כִּי תִהְיֶה בְּאָדָם וְהוּבָא אֶל הַכֹּהֵן . נַחְנוּ נַעֲבֹר חֲלוּצִים לִפְנֵי יְהֹוָה אֶרֶץ כְּנָעַן . וְאִתָּנוּ אֲחֻזַּת נַחֲלָתֵנוּ מֵעֵבֶר לַיַּרְדֵּן . נָבִיא מִקִּרְבְּךָ מֵאַחֶיךָ כָּמֹנִי יָקִים לְךָ יְהֹוָה אֱלֹהֶיךָ  אֵלָיו תִּשְׁמָעוּן . נָהָר פְּלָגָיו יְשַׂמְּחוּ עִיר אֱלֹהִים  קְדֹשׁ מִשְׁכְּנֵי עֶלְיוֹן . נֶגֶד אֲבוֹתָם עָשָׂה פֶלֶא בְּאֶרֶץ מִצְרַיִם שְׂדֵה צֹעַן . נָחִיתָ כַצֹּאן עַמֶּךָ  בְּיַד מֹשֶׁה וְאַהֲרֹן . נַפְתִּי מִשְׁכָּבִי מֹר אֲהָלִים וְקִנָּמוֹן . נוּדוּ מִתּוֹךְ בָּבֶל וּמֵאֶרֶץ כַּשְׂדִּים יָצְאוּ וְהָיוּ כְּעַתּוּדִים לִפְנֵי צֹאן . נֹפֶת תִּטֹּפְנָה שִׂפְתוֹתַיִךְ כַּלָּה דְּבַשׁ וְחָלָב תַּחַת לְשׁוֹנֵךְ וְרֵיחַ שַׂלְמֹתַיִךְ כְּרֵיחַ לְבָנוֹן . נֵר יְהֹוָה נִשְׁמַת אָדָם  חֹפֵשׂ כָּל חַדְרֵי בָטֶן . נֹשְׁקֵי קֶשֶׁת מַיְמִינִים וּמַשְׂמִאלִים בָּאֲבָנִים וּבַחִצִּים בַּקָּשֶׁת מֵאֲחֵי שָׁאוּל מִבִּנְיָמִן: ע”כ:

ויאמר:

בְּרֵאשִׁית בָּרָא אֱלֹהִים אֵת הַשָּׁמַיִם וְאֵת הָאָרֶץ . וּלְכָל הַיָּד הַחֲזָקָה וּלְכָל הַמּוֹרָא הַגָּדוֹל אֲשֶׁר עָשָׂה מֹשֶׁה לְעֵינֵי כָל יִשְׂרָאֵל . וְיַעֲקֹב הָלַךְ לְדַרְכּוֹ וַיִּפְגְּעוּ בוֹ מַלְאֲכֵי אֱלֹהִים . וַיֹּאמֶר יַעֲקֹב כַּאֲשֶׁר רָאָם מַחֲנֵה אֱלֹהִים זֶה וַיִּקְרָא שֵׁם הַמָּקוֹם הַהוּא מַחֲנָיִם . הַאֲזִינוּ הַשָּׁמַיִם וַאֲדַבֵּרָה וְתִשְׁמַע הָאָרֶץ אִמְרֵי פִי . יַעֲרֹף כַּמָּטָר לִקְחִי תִּזַּל כַּטַּל אִמְרָתִי כִּשְׂעִירִם עֲלֵי דֶשֶׁא וְכִרְבִיבִים עֲלֵי עֵשֶׂב . וַיְהִי בִּנְסֹעַ הָאָרֹן וַיֹּאמֶר מֹשֶׁה קוּמָה יְהֹוָה וְיָפֻצוּ אֹיְבֶיךָ וְיָנֻסוּ מְשַׂנְאֶיךָ מִפָּנֶיךָ . וּבְנֻחֹה יֹאמַר שׁוּבָה יְהֹוָה רִבְבוֹת אַלְפֵי יִשְׂרָאֵל . וּצְבָאוֹ וּפְקֻדֵיהֶם חֲמִשָּׁה וּשְׁלֹשִׁים אֶלֶף וְאַרְבַּע מֵאוֹת . כָּל הַפְּקֻדִים לְמַחֲנֵה אֶפְרַיִם מְאַת אֶלֶף וּשְׁמֹנַת אֲלָפִים וּמֵאָה לְצִבְאֹתָם וּשְׁלִשִׁים יִסָּעוּ: ע”כ:

לדרך תאמר י”ז פעמים:

 וְשֵׁם בַּת אָשֵׁר שָׂרַח

ותאמר יהי רצון מלפניך הידוע · או כל מי שירצה · ויש מוסיפין:

וּמִשְׁמָע וְדוּמָה וּמַשָּׂא . וַיֵּשֶׁב יִצְחָק בִּגְרָר . וְהָרָעָב כָּבֵד בָּאָרֶץ . וּבְנֵי דָן חֻשִׁים . לִישׁוּעָתְךָ קִוִּיתִי יְהֹוָה . יִשָּׂשכָר זְבוּלוּן וּבִנְיָמִין . מְכַשֵּׁפָה לֹא תְחַיֶּה . וְעָשִׂיתָ מִשְׁבְּצֹת זָהָב . וְלַשְׂאֵת וְלַסַּפַּחַת וְלַבֶּהָרֶת . וּלְצָרַעַת הַבֶּגֶד וְלַבַּיִת . יְבָרֶכְךָ יְהֹוָה וְיִשְׁמְרֶךָ . וּבְנֵי פַלּוּא אֱלִיאָב . וַיְהִי אַחֲרֵי הַמַּגֵּפָה . בָּרוּךְ טַנְאֲךָ וּמִשְׁאַרְתֶּךָ:

לדרך עוד · תכוין בצורת שדי ותעשהו באצבעות ידיך לפני הבאים לקראתך ותתכוין בשם:

אַתָּה גִּבּוֹר לְ֔עוֹלָם יְהֹוָה

ותאמר:

יְהֹוָה שׁוֹפְטֵינוּ יְהֹוָה מַלְכֵּנוּ יְהֹוָה מְחוֹקֵקֵינוּ:

לדרך עוד · תאמר:

יְהֹוָה עֻזִּי וּמָעֻזִּי וּמְנוּסִי בְּיוֹם צָרָה אֵלֶיךָ גּוֹיִם יָבֹאוּ מֵאַפְסֵי אָרֶץ וְיֹאמְרוּ אַךְ שֶׁקֶר נָחֲלוּ אֲבוֹתֵינוּ הֶבֶל וְאֵין בָּם מוֹעִיל . וַיֹּאמַר הַמַּלְאָךְ הַגֹּאֵל אֹתִי מִכָּל רָע יְבָרֵךְ אֶת הַנְּעָרִים וְיִקָּרֵא בָהֶם שְׁמִי וְשֵׁם אֲבֹתַי אַבְרָהָם וְיִצְחָק וְיִדְגּוּ לָרֹב בְּקֶרֶב הָאָרֶץ . וַיֹּאמַר יְהִי רָצוֹן מִלְּפָנֶיךָ יְהֹוָה אֱלֹהַי וְאֱלֹהֵי אֲבוֹתַי לְמַעַן שִׁמְךָ הַגָּדוֹל שֶׁלִּמַּדְתָּ רַחֲמֶיךָ שֶׁתִּשְׁמְרֵנִי וְתַצִּילֵנוּ מִכַּף אוֹיֵב וְאוֹרֵב בַּדֶּרֶךְ וּמִיַּד כָּל אַנְשֵׁי רֶשַׁע וּמִכָּל צַעַר וְנֶזֶק וּמִכָּל פְּגָעִים רָעִים . וְאוֹמֵר וַיִּסָּעוּ וַיְהִי חִתַּת אֱלֹהִים עַל הֶעָרִים אֲשֶׁר סְבִיבֹתֵיהֶם וְלֹא רָדְפוּ אַחֲרֵי בְּנֵי יַעֲקֹב . וְאוֹמֵר וְזָכַרְתִּי אֶת בְּרִיתִי יַעֲקֹב וְאַף אֶת בְּרִיתִי יִצְחָק וְאַף אֶת בְּרִיתִי אַבְרָהָם אֶזְכֹּר וְהָאָרֶץ אֶזְכֹּר . וְאוֹמֵר לִישׁוּעָתְךָ קִוִּיתִי יְהֹוָה .  קִוִּיתִי לִישׁוּעָתְךָ יְהֹוָה . יְהֹוָה לִישׁוּעָתְךָ קִוִּיתִי: