פסוקי דרחמי

הַאֲזִינָה יְהֹוָה תְּפִלָּתִי וְהַקְשִׁיבָה לְקוֹל תַּחֲנוּנוֹתָי: לְמַעַן שִׁמְךָ יְהֹוָה וְסָלַחְתָּ לַעֲוֹנִי כִּי רַב הוּא: לְמַעַן שִׁמְךָ יְהֹוָה תְּחַיֵּנִי בְּצִדְקָתְךָ תּוֹצִיא מִצָּרָה נַפְשִׁי: לְמַעַן יֵחָלְצוּן יְדִידֶיךָ הוֹשִׁיעָה יְמִינְךָ וַעֲנֵנִי: לַיהֹוָה הַיְשׁוּעָה עַל עַמְּךָ בִרְכָתֶךָ סֶּלָה: שׁוּבֵנוּ אֱלֹהֵי יִשְׁעֵנוּ וְהָפֵר כַּעַסְךָ עִמָּנוּ: שׁוּבָה יְהֹוָה חַלְּצָה נַפְשִׁי הוֹשִׁיעֵנִי לְמַעַן חַסְדֶּךָ: שׁוּבוּ שׁוּבוּ אָמַרְתָּ לָנוּ: וְעַל הַתְּשׁוּבָה מֵרֹאשׁ הִבְטַחְתָּנוּ שׁוּבָה יִשְׂרָאֵל עַד יְהֹוָה אֱלֹהֶיךָ כִּי כָשַׁלְתָּ בַּעֲוֹנֶךָ: קְחוּ עִמָּכֶם דְּבָרִים וְשׁוּבוּ אֶל יְהֹוָה אִמְרוּ אֵלָיו כָּל תִּשָּׂא עָוֹן וְקַח טוֹב וּנְשַׁלְּמָה פָרִים שְׂפָתֵינוּ: שׁוּבוּ וְהָשִׁיבוּ מֵעַל פִּשְׁעֵכֵם וְקִרְעוּ לְבַבְכֶם וְאַל בִּגְדֵיכֶם וְשׁוּבוּ אֶל יְהֹוָה אֱלֹהֵיכֶם כִּי חַנּוּן וְרַחוּם הוּא אֶרֶךְ אַפַּיִם וְרַב חֶסֶד וְנִחָם עַל הָרָעָה: שׁוּבוּ שׁוּבוּ מִדַּרְכֵיכֶם הָרָעִים וְלָמָּה תָמוּתוּ בֵּית יִשְׂרָאֵל: כִּי לֹא אֶחְפּוֹץ בְּמוֹת הַמֵּת: נְאֻם יְהֹוָה אֱלֹהִים וְהָשִׁיבוּ וִחְיוּ: יְהֹוָה צְבָאוֹת עִמָּנוּ מִשְׂגָּב לָנוּ אֱלֹהֵי יַעֲקֹב סֶלָה: יְהֹוָה צְבָאוֹת אַשְׁרֵי אָדָם בֹּטֵחַ בָּךְ: יְהֹוָה הוֹשִׁיעָה הַמֶּלֶךְ יַעֲנֵנוּ בְיוֹם קָרְאֵנוּ:

סְלַח נָא וגו’

(ר’ אברהם אבן עזרא)

יְהֹוָה רְצֵה נָא מַחְמַד הִלּוּלִי / וְהֶגְיוֹן לִבִּי לְפָנֶיךָ יְהֹוָה צוּרִי וְגֹאֲלִי/: יְהֹוָה בֹּקֶר תִּשְׁמַע קוֹלִי//: אַהֲבַת קַדְמֹנִים וּבְרִית רִאשׁוֹנִים / בְּאַהֲבָתְךָ זְכָר דַּלִּים וְאֶבְיוֹנִים / גּוֹלֵל רַחֲמֶיךָ עַל אֲבוֹת וּבָנִים / דְּלֵּם מִתּוֹךְ מְעַנִּים / יָהּ צוּרִי וְגוֹאֲלִי//: יְהֹוָה בֹקֶר יְהֹוָה רְצֵה נָא עוֹמֵד לְנֶגְדֶּךָ / זוֹחֵל מִדִּינֶיךָ . וּמֵעוֹז פַּחְדֶּך / וּמִתְחָרֵט לְרִשְׁעוֹ נֶגְדֶּךָ / וְצִדֶּךָ שַׂא נָא סְלַח נָא כְּגוֹדֶל חַסְדֶּךָ / וְלִי אֲנִי עַבְדֶךָ / הַפֶק מִשְׁאַלִי יְהֹוָה בֹּקֶר תִּשְׁמַע קוֹלִי//:

אֵלֶיךָ יְהֹוָה נַפְשִׁי אֶשָּׂא . אֶשָּׂא עֵינַי אֶל הֶהָרִים מֵאַיִן יָבֹא עֶזְרִי: עֶזְרִי מֵעִם יְהֹוָה עֹשֵׂה שָׁמַיִם וָאָרֶץ: אַל יִתֵּן לַמּוֹט רַגְלֶךָ אַל יָנוּם שֹׁמְרֶךָ: הִנֵּה לֹא יָנוּם וְלֹא יִישָׁן שׁוֹמֵר יִשְׂרָאֵל: יְהֹוָה שֹׁמְרֶךָ יְהֹוָה צִלְּךָ עַל יַד יְמִינֶךָ: יוֹמָם הַשֶּׁמֶשׁ לֹא יַכֶּכָּה וְיָרֵחַ בַּלָּיְלָה: יְהֹוָה יִשְׁמָרְךָ מִכָּל רָע יִשְׁמֹר אֶת נַפְשֶׁךָ: יְהֹוָה יִשְׁמָר צֵאתְךָ וּבוֹאֶךָ מֵעַתָּה וְעַד עוֹלָם: יְהִי חַסְדְּךָ יְהֹוָה עָלֵינוּ כַּאֲשֶׁר יִחַלְנוּ לָךְ: הַרְאֵנוּ יְהֹוָה חַסְדֶּךָ וְיֶשְׁעֲךָ תִּתֶּן לָנוּ: הֲשִׁיבֵנוּ יְהֹוָה אֵלֶיךָ וְנָשׁוּבָה חַדֵּשׁ יָמֵינוּ כְּקֶדֶם: יְהֹוָה צְבָאוֹת עִמָּנוּ מִשְׂגָּב לָנוּ אֱלֹהֵי יַעֲקֹב סֶלָה: יְהֹוָה צְבָאוֹת אַשְׁרֵי אָדָם בֹּטֵחַ בָּךְ: יְהֹוָה הוֹשִׁיעָה הַמֶּלֶךְ יַעֲנֵנוּ בְיוֹם קָרְאֵנוּ: וּזְכֹר לָנוּ בְּרִית רִאשׁוֹנִים כְּמוֹ שֶׁכָּתוּב וְזָכַרְתִּי לָהֶם בְּרִית רִאשֹׁנִים אֲשֶׁר הוֹצֵאתִי אֹתָם מֵאֶרֶץ מִצְרַיִם לְעֵינֵי הַגּוֹיִם לִהְיֹת לָהֶם לֵאלֹהִים אֲנִי יְהֹוָה: וּזְכֹר לָנוּ בְּרִית אָבוֹת כְּמוֹ שֶׁכָּתוּב וְזָכַרְתִּי אֶת בְּרִיתִי יַעֲקוֹב וְאַף אֶת בְּרִיתִי יִצְחָק וְאַף אֶת בְּרִיתִי אַבְרָהָם אֶזְכֹּר וְהָאָרֶץ אֶזְכֹּר: עַד עַל עִירְךָ וְעַל עַמְּךָ:

(ר’ משה אבן עזרא)

חַרֵדִים לְבַיִת תְּפִלָּתָם / לְהִתְוַדּוֹת עֲוֹנוֹתָם / וּלְסַפֵּר קוֹרוֹתָם / וְאֶת כָּל הַמֹּצְאוֹת אֹתָם / אוּלַי צוּר יְשׁוּעָתָם / יִקָּרֵה לִקְרָאתָם/ לְהַצִּיל מִמָּוֶת נַפְשָׁם וּלְחַיּוֹתָם בָּרָעָב//:

מַה נֹּאמַר וַאֲנַחְנוּ / נִגָּפִים // מִמַּעֲשֵׂינוּ / וְעַל פָּנֵינוּ / צְעִיפִים // מֵהַבִּיט לְעֹשֶׂנוּ / כִּי אֲנַחְנוּ כְאַלָפִים // וְהָעוֹלָם אֲבוּסֶנּוּ / וּכְמוֹ תַנִּים שׁוֹאֲפִים / אֶל רוּחַ מְשׂוֹשֶׂנוּ / וְחַשְנוּ הַיּוֹם כְּפוּפִים // כִּי בֵּית אֵל מְנוּסֶנוּ / וְרַגְלֵנוּ מְרוּצָתָם  / אֵלָיו בְּעֵת צָרָתָם/: לְהַצִּיל מִמָּוֶת נַפְשָׁם וּלְחַיּוֹתָם בָּרָעָב//:

שִׁכְחֵי אֱלֹהִים אַיֵּה / זְהָבָם וְחֵילֵי עֵדֵיהֶם // הַיֵּשׁ בָּהֶם אֲשֶׁר יִחְיֶה / וּבְעָפָר יְסוֹדֵיהֶם // וְיַד מָוֶת הוֹיֶה / הָיוֹ עִילוּ חֲמוּדֵיהֶם // סַבְלוּ כִּי מִגּוּר אַרְיֵה / דְּבַשׁ יָרְדוּ עַל יְדֵיהֶם // וְלֹא זָכְרוּ אַחֲרֵיהֶם / לְזֹאת נָשְׂאוּ כְּלִמָּתָם / לְהַצִּיל מִמָּוֶת נַפְשָׁם וּלְחַיּוֹתָם בָּרָעָב//:

הִתְעֲשֵׂת הָאֱלֹהִים / הִתְעֲשֵׂת וְתוֹפִיעַ // הֶרֶף מֵאַף לַכוֹחִים / מִיּוֹם צַר וְהַרְגִּיעַ // אַחֲרֶיךָ הֵם נֵגְהִים / וְאֵין בָּהֶם מַפְגִּיעַ // הַצְדֵּק יַלְדֵיהֶם / וְאִם נֶגְדֶּךָ הַרְשִׁיעַ // וּבַשֵּׂר נָא כִּי רְצִיתָם / וְנָשָׂאתָ חַטָּאתָם/: לְהַצִּיל מִמָּוֶת נַפְשָׁם וּלְחַיּוֹתָם בָּרָעָב//: