חמישה פסוקים

חמשה פסוקים מן התורה וחמשה מן הנביאים וחמשה מן הכתובים טוב לאמרם בכוונה לשמירת הדרך וכל האומרם אינו מתיירא משום נזק:

תורה

אָנֹכִי שֹׁלֵחַ מַלְאָךְ לְפָנֶיךָ לִשְׁמָרְךָ בַּדָּרֶךְ וְלַהֲבִיאֲךָ אֶל הַמָּקוֹם אֲשֶׁר הֲכִנֹתִי . וּבַמֶּה יִוָּדַע אֵפוֹא כִּי מָצָאתִי חֵן בְּעֵינֶיךָ אֲנִי וְעַמֶּךָ הֲלוֹא בְּלֶכְתְּךָ עִמָּנוּ וְנִפְלֵינוּ אֲנִי וְעַמְּךָ מִכָּל הָעָם אֲשֶׁר עַל פְּנֵי הָאֲדָמָה . וַיִּסַּע מַלְאַךְ הָאֱלֹהִים הַהֹלֵךְ לִפְנֵי מַחֲנֵה יִשְׂרָאֵל וַיֵּלֶךְ מֵאַחֲרֵיהֶם וַיִּסַּע עַמּוּד הֶעָנָן מִפְּנֵיהֶם וַיַּעֲמֹד מֵאַחֲרֵיהֶם . וַיָּבֹא בֵּין מַחֲנֵה מִצְרַיִם וּבֵין מַחֲנֵה יִשְׂרָאֵל וַיְהִי הֶעָנָן וְהַחֹשֶׁךְ וַיָּאֶר אֶת הַלָּיְלָה וְלֹא קָרַב זֶה אֶל זֶה כָּל הַלָּיְלָה . וַיֵּט מֹשֶׁה אֶת יָדוֹ עַל הַיָּם וַיּוֹלֶךְ יְהֹוָה אֶת הַיָּם בְּרוּחַ קָדִים עַזָּה כָּל הַלַּיְלָה וַיָּשֶׂם אֶת הַיָּם לֶחָרָבָה וַיִּבָּקְעוּ הַמָּיִם:

כתובים

כִּי מַלְאָכָיו יְצַוֶּה לָּךְ לִשְׁמָרְךָ בְּכָל דְּרָכֶיךָ . עַל כַּפַּיִם יִשָּׂאוּנְךָ פֶּן תִּגֹּף בָּאֶבֶן רַגְלֶךָ עַל שַׁחַל וָפֶתֶן תִּדְרֹךְ תִּרְמֹס כְּפִיר וְתַנִּין כִּי בִי חָשַׁק וַאֲפַלְּטֵהוּ אֲשַׂגְּבֵהוּ כִּי יָדַע שְׁמִי . יִקְרָאֵנִי וְאֶעֱנֵהוּ עִמּוֹ אָנֹכִי בְצָרָה אֲחַלְּצֵהוּ וַאֲכַבְּדֵהוּ:

נביאים

בְּכָל צָרָתָם לא֔ צָר וּמַלְאַךְ פָּנָיו הוֹשִׁיעָם בְּאַהֲבָתוֹ וּבְחֶמְלָתוֹ הוּא גְאָלָם וַיְנַטְּלֵם וַיְנַשְּׂאֵם כָּל יְמֵי עוֹלָם . כִּי לֹא יִטֹּשׁ יְהֹוָה אֶת עַמּוֹ בַּעֲבוּר שְׁמוֹ הַגָּדוֹל כִּי הוֹאִיל יְהֹוָה לַעֲשׂוֹת אֶתְכֶם לוֹ לְעָם . וַיֹּאמֶר קָרָאתִי מִצָּרָה לִי אֶל יְהֹוָה וַיַּעֲנֵנִי מִבֶּטֶן שְׁאוֹל שִׁוַּעְתִּי שָׁמַעְתָּ קוֹלִי . וַיֹּאמֶר דָּוִד אֶל גָּד צַר לִי מְאֹד נִפְּלָה נָּא בְיַד יְהֹוָה כִּי רַבִּים רַחֲמָיו וּבְיַד אָדָם אַל אֶפֹּלָה . עֲנֵנִי יְהֹוָה עֲנֵנִי וְיֵדְעוּ הָעָם הַזֶּה כִּי אַתָּה יְהֹוָה הָאֱלֹהִים וּבִדְבָרְךָ עָשִׂיתִי אֵת כָּל הַדְּבָרִים הָאֵלֶּה:

יְהִי רָצוֹן מִלְּפָנֶיךָ יְהֹוָה אֱלֹהַי וְאֱלֹהֵי אֲבוֹתַי אֱלֹהֵי אַבְרָהָם בְּמִדַּת חֶסֶד . וֵאלֹהֵי יִצְחָק בְּמִדַּת פַּחַד . וֵאלֹהֵי יַעֲקֹב בְּמִדַּת אֱמֶת . שֶׁתִּשְׁלַח לִי מַלְאָכִים כְּהָלְכוּ עִם יַעֲקֹב שֶׁנֶּאֱמָר וְיַעֲקֹב הָלַךְ לְדַרְכּוֹ וַיִּפְגְּעוּ בוֹ מַלְאֲכֵי אֱלֹהִים . לְשָׁמְרֵנִי וּלְסָמְכֵנִי וּלְהַצִילֵנִי וּלִיתְנְנִי בְּחֵן לְחֶסֶד בְּעֵינֶיךָ וּבְעֵינֵי כָל רוֹאַי וְלַעֲשׂוֹת חֶפְצִי אָמֵן סֶלָה:

כֹּה אָמַר יְהֹוָה גֹּאַלְךָ קְדוֹשׁ יִשְׂרָאֵל אֲנִי יְהֹוָה אֱלֹהֶיךָ מְלַמֶּדְךָ לְהוֹעִיל מַדְרִיכֲךָ בְּדֶרֶךְ תֵּלֵךְ . כֹּה אָמַר יְהֹוָה גֹּאֵל יִשְׂרָאֵל קְדוֹשׁוֹ לִבְזֹה נֶפֶשׁ לִמְתָעֵב גּוֹי לְעֶבֶד מֹשְׁלִים מְלָכִים יִרְאוּ וָקָמוּ שָׂרִים וְיִשְׁתַּחֲוּוּ לְמַעַן יְהֹוָה אֲשֶׁר נֶאֱמָן קְדֹשׁ יִשְׂרָאֵל וַיִּבְחָרֶךָּ . כֹּה אָמַר הָאֵל יְהֹוָה בּוֹרֵא הַשָּׁמַיִם וְנוֹטֵיהֶם רֹקַע הָאָרֶץ וְצֶאֱצָאֶיהָ נֹתֵן נְשָׁמָה לָעָם עָלֶיהָ וְרוּחַ לַהֹלְכִים בָּהּ . אֲנִי יְהֹוָה קְרָאתִיךָ בְצֶדֶק וְאַחְזֵק בְּיָדֶךָ וְאֶצָּרְךָ וְאֶתֶּנְךָ לִבְרִית עָם לְאוֹר גּוֹיִם . כִּי אֲנִי יְהֹוָה אֱלֹהֶיךָ מַחֲזִיק יְמִינֶךָ הָאֹמֵר לְךָ אַל תִּירָא אֲנִי עֲזַרְתִּיךָ . אַל תִּירָא כִּי עִמְּךָ אָנִי אַל תִּשְׁתָּע כִּי אֲנִי אֱלֹהֶיךָ אִמַּצְתִּיךָ אַף עֲזַרְתִּיךָ אַף תְּמַכְתִּיךָ בִּימִין צִדְקִי . הֵן יֵבֹשׁוּ וְיִכָּלְמוּ כָּל הַנֶּחֱרִים בָּךְ יִהְיוּ כְאַיִן וְיֹאבְדוּ אַנְשֵׁי רִיבֶךָ . תִּזְרֵם וְרוּחַ תִּשָּׂאֵם וּסְעָרָה תָּפִיץ אוֹתָם וְאַתָּה תָּגִיל בַּיהֹוָה בִּקְדוֹשׁ יִשְׂרָאֵל תִּתְהַלָּל:

אַתָּה סֵתֶר לִי מִצַּר תִּצְּרֵנִי רָנֵּי פַלֵּט תְּסוֹבְבֵנִי סֶלָה . אַשְׂכִּילְךָ וְאוֹרְךָ בְּדֶרֶךְ זוּ תֵלֵךְ אִיעֲצָה עָלֶיךָ עֵינִי . אִם אֵלֵךְ בְּקֶרֶב צָרָה תְּחַיֵּנִי עַל אַף אֹיְבַי תִּשְׁלַח יָדֶךָ וְתוֹשִׁיעֵנִי יְמִינֶךָ . הַצִּילֵנִי מִדָּמִים אֱלֹהִים אֱלֹהֵי תְּשׁוּעָתִי תְּרַנֵּן לְשׁוֹנִי צִדְקָתֶךָ . הוֹדִיעֵנִי דֶּרֶךְ זוּ אֵלֵךְ כִּי אֵלֶיךָ נָשָׂאתִי נַפְשִׁי:

יְהִי רָצוֹן מִלְּפָנֶיךָ יְהֹוָה אֱלֹהֵינוּ שֶתִמְחוֹל לָנוּ עַל כָּל פְּשָׁעֵינוּ וּתְכַפֵּר לָנוּ עַל כָּל עֲוֹנוֹתֵינוּ וְתִסְלַח לָנוּ עַל כָּל חַטֹּאתֵינוּ וּרְצֵה תְּשׁוּבָתֵינוּ וְנִהְיֶה מִן הַשָּׁבִים לְפָנֶיךָ בְּכָל לִבָּם אֲשֶׁר לְחַטָּאתָם לֹא תִּזְכּוֹר עוֹד:

יְהִי רָצוֹן מִלְּפָנֶיךָ יְהֹוָה אֱלֹהֵינוּ שֶׁתִּתְנַהֵג עִמָּנוּ בְּמִדַּת רַחֲמִים כָּל יְמֵי חֶלְדֵנוּ לְפָנֶיךָ וַתַּנְחִילֵנוּ מִמֵגוּרוֹתֵינוּ וְתִכּוֹנֵן מַעֲשֶׂה יָדֵינוּ וּתְרַפֵּא אֶת מַכּוֹתֵינוּ וּמַלְּטֵנוּ מִיָּד רוֹדְפֵנוּ וְלֹא יִשָּׁמַע בֶּכִי וּצְעָקָה בְּבָתֵּינוּ וְלֹא שׁוֹד וְלֹא שֵׁבֶר בִּגְבוּלוֹתֵינוּ וְנִהְיֶה מֵעוֹשֵׂי רְצוֹנְךָ וִירֵאֵי אֶת שִׁמְךָ כִּי תְלַמְּדֶנּוּ תוֹרָתֶךָ וְתַשְׂכִּילֵנוּ שֵׂכֶל טוֹב מִלְּפָנֶיךָ וּתְיַחֵד אֶת לְבָבֵינוּ לְיִרְאָה אֶת שִׁמְךָ לְמַעַן נַשְׂכִּיל בְּכָל אֲשֶׁר נַעֲשֶׂה וּבְכָל אֲשֶׁר נִפְנֶה עַד הַיּוֹם אֲשֶׁר תְאֲסְפֵנוּ וְאֵלֶיךָ וַתּוֹצִיאֵנוּ מִשָּׁלוֹם אֶל שָׁלוֹם וְנִמְצָא מְנוּחָה בְּאוֹרַח חַיִּים לְפָנֶיךָ וּנְעִימוּת בִּימִינְךָ נֶצַח:

יְהִי רָצוֹן מִלְּפָנֶיךָ יְהֹוָה אֱלֹהֵינוּ שֶׁתִּרְאֶה בֶּעָנִי עַמְּךָ יִשְׂרָאֵל הַנְּפוֹצִים בְּכָל הָאֲרָצוֹת, וּבַחֲרָבוֹת יְרוּשָׁלִָם אֲשֶׁר הָיְתָה מִדְבַּר שְׁמָמָה, וּבְמִקְדָּשְׁךָ אֲשֶׁר הוּא מְשוּלַח וְנַעֲזַב כַּמִּדְבָּר, וַתְּקַנֵּא לְשֵׁם קָדְשֶׁךָ הַמחוּלֵל בַּגּוֹיִים, וּתְקַבֵּץ שְׁאֵרִית צֹאנֶךָ מִכָּל הַמְּקוֹמוֹת וְתָשִׁיב יִשְׂרָאֵל אֶל נָוֵהוּ וְאַרְמוֹן עַל מִשְׁפָּטוֹ יֵשֵׁב וּבָאָה הַמֶּמְשָׁלָה הָרִאשׁוֹנָה לְבַת יְרוּשָׁלִָם וְעָמַד וְרָעָה בְּעֹז יְהֹוָה שֵׁם יְהֹוָה בִּגְאוֹן שֵׁם אֱלֹהָיו וְנִקְווּ אֵלָיו כָּל הַגּוֹיִם לִקְרוֹא כֻּלָּם בְּשֵׁם יְהֹוָה לְעָבְדוֹ שְׁכֶם אֶחָד כִּי לְךָ מְחַכִּים וּמְצַפִּים לִישׁוּעָתְךָ, [וּ]מְיַחֲלִים לַהֲמוֹן רַחֲמֶיךָ וַחֲסָדֶיךָ אַל תְּבִישֵׁנוּ וַיְהֹוָה אֱלֹהֵינוּ מִשִֹּבְרֵנוּ הַרְאֵנוּ יְהֹוָה חַסְדְּךָ וְיֶשְׁעֲךָ תִּתֵּן לָנוּ וְקַיֵּים לָנוּ הַבְטָחוֹתֵיךָ וּמָלֵא לָנוּ נֶחָמוֹתֵיךָ הוֹשִׁיעַ אֶת עַמֶּךָ וּבֵרַךְ אֶת נַחֲלָתֶךָ וּרְעֵם וּנְשָׂאָם עַד הָעוֹלָם: